ПРЕЗИДЕНТ ҚАБЫЛДАУЫНАН КЕЙІНГІ ЖИЫН

Мемлекет басшысының қабылдауынан кейін Маңғыстау облысының әкімі С.Трұмов орынбасарларымен және қала, аудан әкімдерімен кеңес өткізді. 

Президент Қасым-Жомарт Тоқаев өңір басшысына аймақтың әлеуметтік-экономикалық даму көрсеткішін одан әрі жақсартуды, өңірдегі эпид ахуалды жіті бақылап, екпе жұмыстарын күшейтуді тапсырған болатын. 
 
Осыған сәйкес, облыс әкімі тұрғындарды ауыз сумен қамту, шаруаларға жем-шөп жеткізу, «Қарапайым заттар экономикасы», «Еңбек» бағдарламаларын тиімді жүзеге асыру, азық-түлік қорын молайту, жаңа жұмыс орындарын ашу жөнінде жауапты басшыларға нақты міндеттер жүктеді. 

Маңғыстау облысы әкімінің баспасөз қызметі

• 29.06.2021
• 175