Қазақстан Республикасының Мемлекеттік рәміздері күнімен құттықтау

Құрметті жерлестер!

Cіздерді Қазақстан Республикасының Мемлекеттік рәміздері күнімен шын жүректен құттықтаймыз. 

Осыдан 28 жыл бұрын тұңғыш рет Тәуелсіз еліміздің жаңа мемлекеттік рәміздері бекітілген болатын.

Бүгінде Мемлекеттік Ту, Мемлекеттік Елтаңба, Мемлекеттік Гимн – біздің ұлттық игілігімізге айналып,  еліміздің тарихы мен мемлекеттік тілімізге, мәдениетіміз бен  салт-дәстүрімізге деген құрметтің, жастарымызды отаншылдық рухта тәрбиелеудің нышанына айналды.

Мемлекеттік рәміздер бізді тарихымыздың ең бір  маңызды сәттерінде бірлігімізді, тұтастығымызды айқындайтын уақытта, халықаралық ареналарда саңлақтарымыз жеңіске жеткен сәттерде біріктіре түседі. Көкке көтерілген Көк Байрағымыз бен шырқалған Әнұранымыз отандастарымыздың рухын көтеріп, жігерлерін жаниды.  

Мемлекеттік рәміздер - ұлттық құндылықтарымызға  негізделген ел саясатының бастауы, Тәуелсіздігіміз бен  бейбітшіліктің, келісімнің белгісі.

Бұл мереке күні сіздердің барлықтарыңызға амандық, бақыт, бейбітшілік тілейміз! Отанымыз өркендеп, Тәуелсіздігіміздің туы жоғары болсын!

• 04.06.2020
• 494