ҚАРАҚИЯДА АЛҒАШ РЕТ ГРЭППЛИНГТЕН ТУРНИР ӨТТІ

Ел Тәуелсіздігінің 30 жылдығы аясында алғаш рет Сенек ауылында грэпплингтен жарыс ұйымдастырылды. Бұл туралы Қарақия аудандық мәдениет, дене шынықтыру және спорт бөлімінің басшысы Дүйсенбай Атағараев мәлім етті.

Оның айтуынша, спорттық шара Қазақстан Республикасы мемлекеттік наградаларының иегері Маңғыстау облысының «Құрметті азаматы» Қалпақ Наурызмағанбетовті еске алу турнирі ретінде ұйымдастырылған. Оған аудан мен қалалардан 150-ден астам спортшы қатысты.

«Жасөспірімдер арасындағы спорттық додаға Ақтау, Жаңаөзен қаласы мен Бейнеу ауданы және Сенек ауылынан спортшылар қатысып, жеке салмақ дәрежелері бойынша дипломдармен марапатталды. Алдағы уақытта да грэпплинг спортын дамыту бағытында жұмыстар жасалатын болады», - деді Дүйсенбай Атағараев.

ҚАРАҚИЯ АУДАНЫ ӘКІМДІГІНІҢ БАСПАСӨЗ ҚЫЗМЕТІ

• 29.06.2021
• 247