Құрметті әріптестер!

Бірінші шілдеден бастап Қазақстанда жаңа Экологиялық кодекс күшіне енеді. Бұл тек кәсіби экологтар, экоактивистер мен қоғамшылдар үшін ғана емес, сондай-ақ еліміздің қоршаған ортасына бей-жай қарамайтын барлық азаматтар үшін маңызды оқиға.

Жаңа Экологиялық құжатты әзірлеудің алғышарттары  ретінде республикадағы ең өткір екі экологиялық проблема болды - бұл қоршаған ортаның сапасы (ауа, су, топырақ) және қатты тұрмыстық қалдықтар. Жаңа Экокодекс ең алдымен қоршаған ортаға теріс әсердің алдын алу бойынша шараларды қабылдауға бағытталған. Күшіне енген Экокодекстің тиімді құралдарының бірі ең озық қолжетімді технологияларды (бұдан әрі - ОҚТ) енгізу болады.

Экологиялық кодекстің жаңа редакциясының жобасында 2025 жылғы 1 қаңтардан бастап бірінші санаттағы жаңа ірі кәсіпорындардың ОҚТ қолдануға байланысты кешенді экологиялық рұқсаттарға міндетті түрде көшуі көзделген.

Жұмыс істеп тұрған аса ірі ластағыштар үшін бұл көшу экологиялық тиімділік бағдарламасына сәйкес 10 жыл ішінде кезең-кезеңмен жүргізілетін болады. Бұл ретте кәсіпорындар эмиссия үшін төлемнен босатылады, бұл уәждемелік тетікке айналады.

Сондай-ақ, жаңа заң жобасына сәйкес шығарындылар нормаларын бұзғаны үшін әкімшілік айыппұлдар 10 есеге ұлғайтылатын болады. Қайталанған бұзушылықтар үшін-20 есе. Өндіріс және тұтыну қалдықтарымен жұмыс істеу жөніндегі талаптарды бұзғаны үшін санкцияларды қатаңдату жоспарлануда.

ҚР жаңа Экологиялық кодексінде белгіленген нормалар мен қағидаларды сақтау экологиялық қауіпсіздікті елеулі арттырады және Қазақстан Республикасының "жасыл экономикаға" көшуі жөніндегі тұжырымдама көрсеткіштеріне қол жеткізуге мүмкіндік береді деп сенемін.

• 03.07.2021
• 456