Ақкөл ауданында «Jana Dala /Green Day-2021» қазақстандық дала күні» мамандандырылған көрмесі өтті, оған Қазақстанның, сондай-ақ жақын және алыс шетелдердің 150 компаниясы қатысты

Дәстүрлі түрде, жыл сайынғы мереке-егіс жұмыстарының қорытындысын шығару және егін жинауға дайындық, түрлі сортты ауыл шаруашылығы дақылдарын тексеру және таныстыру үшін өңірде егіс күні атап өтіледі. Мамандандырылған көрменің құрметті қонақтары Германияның Қазақстандағы Төтенше және Өкілетті Елшісі Тило Клиннер және Украинаның Қазақстандағы Төтенше және Өкілетті Елшісінің экономикалық мәселелер жөніндегі кеңесшісі Олег Кобзыстый болды.

Іс-шараның қонақтары мен қатысушыларын облыс әкімі Ермек Маржықпаев қарсы алды. «2020 жылы аймақ шаруалары Голландия, Франция, Канада және басқа елдерден жеті мың тоннаға жуық шетелдік тұқым сатып алды. Мал шаруашылығы саласындағы әлемдік озық жетістіктерді пайдалану мақсатында біздің шаруашылықтарымыз жыл сайын шетелден бес мыңға жуық өнімділігі жоғары асыл тұқымды ірі қара мал басын импорттайды. Соңғы үш жылда астықтың орташа жылдық өндірісі 5,2 млн.тоннаны құрады, бұл облыстың ішкі қажеттілігін қамтамасыз етуге мүмкіндік береді. Жыл сайын екі миллионнан астам тонна астық Еуропа елдеріне, сондай-ақ Өзбекстанға, Тәжікстанға, Түркіменстанға және Белорусқа экспортталады.. Бұл көрсеткіштерге қол жеткізу мемлекеттік қолдаудың үнемі өсіп келе жатқан көлемінің арқасында мүмкін болды", - деп атап өтті аймақ басшысы.

Көрменің өзі өткен "Еңбек" ЖШС алқаптарында 500 бірліктен астам түрлі ауыл шаруашылығы техникасы, сондай-ақ сапалы өсімдік шаруашылығы, мал шаруашылығы өнімдерін қайта өңдеу мен сақтаудың, жемшөп дайындаудың, қиды экологиялық таза органикалық тыңайтқышқа қайта өңдеудің озық технологиялары және т.б. ұсынылды. Үш күндік көрме бағдарламасында Аграрлық нарық қатысушылары арасында тәжірибе және ақпарат алмасуға, клиенттік базаны кеңейтуге және жаңа бизнес-байланыстар орнатуға жәрдемдесетін түрлі семинарлар, конференциялар жоспарланған.

• 16.07.2021
• 223