2021 жылдың шілде айынының 2-ші онкүндігіне қысқаша агрометеорологиялық шолу

Онкүндік бойы Қазақстанның барлық аймақтарында жауын-шашынмен жылы ауа-райы орын алған, жауын-шашынның нормадан жоғары түсуіне байланысты ылғалдандырудың жақсы жағдайлары негізгі астық егілетін аймақтарда байқалған. Арамшөптерді гербицидтермен өңдеу жалғасуда. Оңтүстік облыстарда орын алған метеорологиялық жағдайлар астықтың толық пісіп-жетілуіне және егін жинау жұмыстарын жүргізуге қолайлы болған.

Солтүстік облыстардың жаздық бидай егілген бақылау учаскелерінде «төменгі сабақ түйінінің пайда болуы» - «гүлдеу» фазалары байқалған, жеке учаскелерде – «дәннің сүттенуі». Өсімдіктердің жағдайы көбінесе жақсы және қанағаттанарлық. Биіктігі 41-73 см жетеді, кеш себілген егістерде 32 см дейін. Сабақтарының орташа саны 1 ш. м. 170-тен 475 данаға дейін, 89 дана болған Қостанай облысында егістердің сиреуі байқалады, бидай масағындағы масақтар саны 9 -17 дананы құрайды, оның ішінде дамымағаны 3 данаға дейін. Солтүстік Қазақстан облысының Тайынша станциясының маңайында азот тыңайтқыштарымен қоректендіру және бидай егістігін улы химикаттармен өңдеу басталды.   

Жаздық арпаның жағдайы көбінесе жақсы және қанағаттанарлық, Солтүстік Қазақстан облысының жеке учаскелерінде егістер өте жақсы. Арпаның биіктігі 30-56 см жетеді, кейбір жерлерде 14 см дейін. Даму фазасы «төменгі сабақ түйінінің пайда болуы» - «дәннің сүттенуі», себу мерзіміне байланысты кеш себілген егістерде – «сабақтану», арамшөптер сирек кездеседі. 1 ш. м. масағы бар сабақтардың орташа саны 175-тен 389 данаға дейін жетеді.

2021 жылғы шілде айының  2-ші онкүндігінде агрометеорологиялық шолумен толығырақ https://www.kazhydromet.kz/ru/agrometeorology/kratkiy-obzor-agrometeorologicheskih-usloviy сілтеме арқылы өтіп, таныса аласыз.

• 27.07.2021
• 260