Заңсыз қоқыс үйінділерін жоюды жеделдетуді тапсырдым

Өңірде стихиялық қалдықтар орындары және ҚТҚ полигондарының жағдайы мен қоқыс шығару үлкен проблема болып табылады. Тұрғындардың шағымдарының көп бөлігі осы мәселелермен байланысты.

Өткен жылы 1 275 стихиялық қоқыс орнын жою бойынша ауқымды жұмыс жүргізілді. Бірақ биыл 640 жаңа рұқсат етілмеген қалдықтар орны табылды. Бұл негізінен қала сыртына және автожолдар бойына тасталған құрылыс қоқыстары. Мұны ғарыштық мониторингтің суреттері дәлелдейді.

Қала және аудан әкімдеріне бір ай мерзім ішінде барлық рұқсат етілмеген қоқыс орындарын жоюды, барлық тәртіп бұзушыларды жауапкершілікке тартуды, құрылыс қоқыстарын қайта өңдеу және көму бойынша инфрақұрылым құруды тапсырдым. Шешімдердің бірі 202 ҚТҚ полигонын экологиялық талаптарға сәйкес келтіру болып табылады. Сондай-ақ, табиғатты қорғау рейдтері мен экологиялық сенбіліктерді жалғастыру қажет.

Бұдан басқа, біз экологиялық ағартуда жұмыс істейтін қоғамдық және волонтерлік ұйымдардың бүкіл әлеуетін адамдардың экологиялық мәдениетін арттыру үшін пайдалануға тиіспіз.

Құрметті достар! Сізді көмектесуге шақырамын. Егер сіз стихиялық полигонның куәсі болсаңыз, нақты бұзушыларды көрсеңіз, жедел әрекет ету үшін Senim 109-ға жазыңыз немесе қоңырау шалыңыз.

Қоғамдық орындарда стихиялық қалдықтар орындарымен және қоқыстармен күресу бәріміз үшін маңызды болып табылады.

• 27.07.2021
• 231