Орталық коммуникациялар кызметінің брифингінде

Орталық коммуникациялар кызметінің брифингінде «Әлем мұғалімі» жаһандық сыйлығы аясында «Қазақстан мұғалімі » Ұлттық сыйлығын іске асыру барысы туралы талқыланып, педагог мәртебесін көтеру мен педагог еңбегінің лайықты бағалану қажеттілігі атап өтілді.

⠀

Азаматтық бастамаларды қолдау орталығының Басқарма төрағасы Лима Диастың айтуынша, Орталық «Samruk Kazyna Trust» әлеуметтік жобаларды дамыту қоры мен «Қоғамдық маңызы бар бастамаларды дамыту» қорының қолдауымен биылғы жылдың қыркүйек-желтоқсан айларында үкіметтік емес ұйымдар үшін 30 шағын грантты (әрқайсысы 1 200 000 теңге көлемінде) жүзеге асырады.

⠀

«Бұл гранттар – мұғалімдердің білім беру процесін жақсартуға, ауылдық мектептердегі оқушылардың білімін жан-жақты дамыту жөніндегі бастамаларын іске асыруға бағытталатын болады.

Орталық осы шағын гранттар беру үшін ҮЕҰ арасында конкурс жариялайды. Сондай-ақ сыйлыққа қатысушы педагогтармен бірлесіп гранттардың іске асырылуына мониторинг жүргізеді»,- деп атап өтті Л.Диас.

⠀

Осылайша, мұғалімдер мен қоғам белсенділері арасындағы бірлескен тиімді ынтымақтастығы арқылы орта білім беру мекемелерін дамыту, сондай-ақ азаматтардың жаңа бастамаларын қолдау үшін жағдайлар жасалатын болады.

• 29.07.2021
• 493