Виртуалды режимде коммуналдық қызметтердің тұтынушылары үшін кезекті қоғамдық қабылдау өтті

Осы жылдың соңғы жаз айының бірінші сейсенбісінде коммуналдық қызметтердің тұтынушылары үшін ҚР ҰЭМ Табиғи монополияларды реттеу комитеті төрағасының орынбасары Нұрлан Жалғасбаевтың төрағалығымен кезекті қоғамдық қабылдау өтті.

Барлық аумақтық департаменттер осындай қоғамдық қабылдаулар өткізді.

Қабылдаулар нақты уақыт режимінде Комитет пен департаменттердің Facebook-тегі ресми парақшалары арқылы өтті.

ТМРК-да тікелей өткен қабылдау барысында жылу, су, газ және жарық тарифтері туралы, сондай-ақ теміржол тасымалы саласындағы субъектілерге қатысты сот істері туралы хабарланды.

Онлайн-трансляция уақытында электрмен жабдықтау сапасына, қоқыс тарифіне және басқа да мәселелерге қатысты комментарийлер түрінде сұрақтар келіп түсті.

Барлық сұрақтарға тиісті жауаптар берілді.

• 06.08.2021
• 232