ЖЕТІБАЙ АУЫЛЫНДА 3 ҚАБАТТЫ ЕКІ ТҰРҒЫН ҮЙДІҢ ҚҰРЫЛЫСЫ АЯҚТАЛДЫ

Ел Тәуелсіздігінің 30 жылдығына орай "Нұрлы Жер" мемлекеттік бағдарламасы аясында 2019 жылы Жетібай ауылында басталған 3 қабатты 2 тұрғын үйдің құрылысы аяқталды. Қазіргі тұрғын үйдің құжаттары рәсімделіп, қабылдау жұмыстары жүргізілуде. Бұл туралы Қарақия ауданы әкімдігінің баспасөз қызметі хабарлады.

«Жоба құны 1 520,279 млрд. тенге. Құрылысты "Оңдасын Строй" жауапкершілігі шектеулі серіктестігі жүргізді. Тұрғын үйдің жалпы аумағы 7800 шаршы метрді құрайды. Үй заң талаптарына сәйкес кезекте тұрған 352 адамға реттілік бойынша беріледі. Әлеуметтік жағынан осал топтарға, "Алтын" және "Күміс" иелеріне, "Батыр ана" атағын алғандарға, сондай-ақ I және II дәрежелі "Ана даңқы" ордені бар көпбалалы аналар мен отбасыларға, жетім және ата-ана қамқорлығынсыз қалған балаларға бөлінетін болады», - деді Қарақия ауданы тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Асан Чукин.

ҚАРАҚИЯ АУДАНЫ ӘКІМДІГІНІҢ БАСПАСӨЗ ҚЫЗМЕТІ

• 11.08.2021
• 225