АУЫЛ ӘКІМІ НЕГЕ ТЕҢІЗ АСТЫНА ТҮСТІ?

Түпқараған ауданы, Сайын Шапағатов ауылдық округінің әкімі Сайран Қылыш теңіз астындағы қоқыстарға тұрғындар назарын аудару мақсатында еріктілермен бірге теңіз астына түсті. Бұл туралы Түпқараған ауданы әкімдігінің баспасөз қызметі хабарлайды. 

Арнайы су асты киімін киіп, құрлықтан 100 метр қашықтықтағы теңіз астынан еріктілермен бірлесе отырып 3 тоннаға жуық қоқыс қалдықтарын шығарған әкім өз бастамасы туралы былай дейді:

- Біз осыған дейін елдімекен тұрғындарының назарын ауыл ішіндегі қоқыстарға аударып келдік. Дегенмен, қоқыстардың бір бөлігі теңіз астында екендігі жасырын емес. Бұл бастаманың мақсаты - теңіз астындағы қоқыстарды айтарлықтай тазалап тастау емес. Әрине, бұл алғашқы қадамнан мүмкін емес. Басты мақсатымыз - тұрғындар назарын аудару, теңіз жағалауына демалу мәдениетін қалыптастыру болып табылады",- дейді елдімекен әкімі.

Түпқараған ауданы әкімдігінің баспасөз қызметі

• 16.08.2021
• 220