Токио олимпиадасының жеңімпазы Альберт маңғыстаулықтарға алғысын жеткізді

Токио олимпиадасында бокстан алтын жүлде алған ресейлік спортшы Альберт Батыргазиевтің ата-анасы 90-шы жылдары Жаңаөзен қаласында тұрып, жемісті еңбек еткен. Тұңғыш балалары қазақ жерінде дүниеге келді. Облыс әкімі С.Трұмов жерлестеріне жанкүйер болып, жеңісіне қуанған Маңғыстау жұртшылығының атынан Альберттің ата-анасына құттықтау жолдаған болатын. 
Альберт бокстан алтын алған жалғыз ресейлік спортшы болғандықтан күнде жоғары деңгейдегі кездесу, қабылдауларға қатысуда. Уақытының тығыздығына қарамастан бүгін ол маңғыстаулықтардың жылы лебізіне қуанып, алғысын бейне жазба арқылы жолдап жіберіпті.

Маңғыстау облысы әкімінің баспасөз қызметі

• 16.08.2021
• 214