АҚТАУДА ЖЫЛДАР БОЙЫ ЖӨНДЕУ КӨРМЕГЕН ШАҒЫН АУДАНДАР АБАТТАНДЫРЫЛУДА

Ақтауда биыл 5 бірдей шағын аудан іші абаттандырылады. Қазір 5,8, 9, 13, 28 шағынаудандарында жұмыс қызу жүруде.  Облыс әкімі С.Трұмов жаңартылып жатқан шағын аудандарды аралап шықты.  
5-ші шағынаудан бойынша: 
автокөлік жолы - 50 024 шаршы метр; 
жаяу жүргінші жолы - 15 824 шаршы метр;
8 дана балалар ойын және 2 дана спорт алаң; 

8-ші  шағынаудан бойынша: 
автокөлік жолы - 42 452 шаршы метр; 
жаяу жүргінші жолы - 17 944 шаршы метр;
11 дана балалар ойын және 3 дана спорт алаң; 

9-шы  шағынаудан бойынша: 
автокөлік жолы - 47 321 шаршы метр; 
жаяу жүргінші жол - 12 813 шаршы метр;
10 дана балалар ойын және 3 дана спорт алаң; 

13-ші шағынаудан бойынша: 
автокөлік жолы - 72 151 шаршы метр; 
жаяу жүргінші жолы - 19 924 шаршы метр;
20 дана балалар ойын және 9 дана спорт алаң; 

28-ші  шағынаудан бойынша: 
автокөлік жолы - 50 913 шаршы метр; 
жаяу жүргінші жолы - 26 352 шаршы метр;
14 дана балалар ойын және 7 дана спорт алаңы жаңартылады. 
Аталған жұмыстарға барлығы 650 адам, 120 техника тартылған.
Айта кетсек, былтырдан бері  Ақтау қаласында жылдар бойы жөндеу көрмеген шағын аудандарды абаттандыру бойынша кешенді жұмыстар жүргізіліп жатыр. 2020 жылы  «Жұмыспен қамтудың жол картасы» бағдарламасы аясында республикалық бюджеттен қаражат бөлініп,  жыл соңына дейін барлығы 6, яғни 2,6,7,12,26 және 27 шағынаудандарға толығымен кешенді абаттандыру жұмыстары жүргізілді.  Жұмыстары аясында 67,2 шақырым автожол салынып, 45,8 шақырым жаяу жүргіншілер жолдары төселді. 63 дана балалар ойын алаңдары мен 22 спорт алаңы толықтай жаңартылды.
Былтырғы жөндеу жұмыстары қазына қаражатынан жасалса, биылғы  абаттандыру жұмыстары NCOC мекемесінің демеушілігі есебінен жүргізілуде. Келер жылы да тағы 5 шағынаудан жөнделеді деп жоспарланып отыр. 
Жұмыс барысын аралап көрген облыс әкімі жауапты мамандарға сапаға мән беруді  тапсырды. «Бұл - халық көп күткен жоба. Жылдар бойы жөндеу көрмеген шағын аудардың ішкі жөндеу жұмыстары  халықтың ұсыныс тілектерін ескере отырып жасалу керек. Асығудың қажеті жоқ. Бастысы сапасына мән беріңдер»,-деді С.Трұмов.  

Маңғыстау облысы әкімінің баспасөз қызметі

• 16.08.2021
• 214