МАҢҒЫСТАУ ӨНІМІ БАСҚА ӨҢІРЛЕРДЕ

Бүгінде «Ағарған» ЖШС-нің сүт өндіру зауыты Маңғыстау 
облысында  түйе сүтін өңдеп, халыққа табиғи өнім ұсынып отырған ірі кәсіпорындардың бірі. Аталған мекеме нарықта 2019 жылдан бері жұмыс жасайды. «Ағарған» ЖШС-нің сүт өндіру зауыты бірінші кезекте қызметкерлердің, тұтынушылардың және өндірістік процестердің қауіпсіздігін қамтамасыз етеді. Зауыттағы барлық жұмыс автоматтандырылған. «Ағарған» ЖШС құрамында 3 бренд бар, атап айтсақ «ASIA MILK», «CAMELIA» және «АҒАРҒАН». «Ағарған» брендімен қаймақтар, «Asia Milk» брендімен қаймақ, сүзбе, құрт, Таң, «Camelia» брендімен шұбат шығарылады.  «Kamelia» брендінің атауы ағылшынша «CAMEL» сөзінің аудармасы «түйе» сөзінен алынған. Мекеме 80 адамды жұмыспен қамтыған.  «Ағарған» ЖШС-нің өнімдері сонымен қатар, Қазақстанның өзге өңірлеріне АТЫРАУ, ОРАЛ, АҚТӨБЕ, ҚОСТАНАЙ, НҰРСҰЛТАНА қалаларына сұраныс бойынша жеткізіледі. Аптасына шығарылатын өнім көлемі 30-50 тоннаға дейін құрайды. «Ағарған» ЖШС сүт зауыты өнім өндірісінің барлық кезеңдерін бақылауға мүмкіндік беретін автоматтандырылған процессингтік және қаптама жабдығымен жарақталған.   
 Аталған кәсіпорынға Маңғыстау, Бейнеу, Мұнайлы,Түпқараған аудандарынан және Жаңаөзен қаласының елді-мекендеріндегі   шаруа қожалықтары түйе сүтін өткізеді. Қабылданған түйе сүтінің өнімі мұздатқыш камерада салқындатылып және арнайы құрал-жабдықтармен пісіру жолдары арқылы өңделеді. Өнім тиісті температуралық жағдайларда сақталып, облыстың ірі сауда желілерінде сатылымға қойылады.

Маңғыстау облыстық кәсіпкерлік және сауда басқармасының баспасөз қызметі

• 16.08.2021
• 220