МАНҒЫСТАУЛЫҚ ӘНШІ АРМЕН СААКЯН «БАҚЫТТЫ БАЛА» ӘН БАЙҚАУЫНДА ЕКІНШІ ОРЫН АЛДЫ

Ақтөбе қаласында өткен жас орындаушылардың «Бақытты бала» вокалдық байқауы өз мәресіне жетті. Шараға 12 елдің вокалистері қатысқан. Халықаралық байқауда Маңғыстау облысының намысын «Бала дауысы» ұлттық ән байқауының жеңімпазы Армен Саакян қорғады. 13 жастағы Арменнің айтуынша, финалда Ресей, Украина, Греция, Болгариядан келген әншілер бақ сынаған.

«Мен үшін «Бақытты бала» байқауы жаңа достар менн зор мүмкіндіктер берді. Жобаны ұйымдастырушыларға үлкен алғысымды білдіргім келеді. Маған сеніп, мені қолдаған баршаңызға ризамын», - деді Армен Саакян. 

Әр елден келген 12 мың баланың ішінен 20 орындаушы жобаның финалына жолдама алды. Байқау қатысушыларының өнерін Қазақстанның еңбек сіңірген қайраткерлері бағалады. Олар Марат Әйтімов, Димаш Құдайберген, Светлана Айтпаева, Болгариядан Николай Тикилиев, Украинадан Сильвия де Оноре, Нұр -Сұлтаннан Клара Төлембаева.

Биыл фестиваль үшінші рет өткізіліп отыр. Байқаудың мақсаты - жас әртістердің өнерін шыңдау және қолдау, оларға үлкен сахнада өнер көрсетуге мүмкіндік беру.

МАҢҒЫСТАУ ОБЛЫСЫНЫҢ ҚОҒАМДЫҚ КОММУНИКАЦИЯ ОРТАЛЫҒЫ

• 16.08.2021
• 226