БЕЙНЕУДЕ ТОЗЫҒЫ ЖЕТКЕН ТРАНСФОРМАТОРЛАР ЖАҢАРТЫЛДЫ

Бейнеу ауылында тозығы жеткен ескі электр бағаналары жаңартылды. Бұл туралы «Бейнеу энерго» мекемесінің басшысы Руслан Ұлықбанов мәлім етті. 

Оның айтуынша, Бейнеу ауылындағы ескі 8 трансформатор жаңасына ауыстырылды. Сонымен қатар Сарға және Боранқұл ауылдарына 1 трансформатордан орнатылды.

 «Электр қуатының сапасын жоғарылату мақсатында 130 темір бетон бағаналарын, 18672,26 метр кабель мен сымдарды ауыстыру жұмыстары аяқталды. Аталған жұмыстарға жергілікті бюджеттен 59 500 000 мың теңге бөлінді. Жыл соңына дейін Бейнеу ауылына 6 дана жаңа трансформатор орнату жоспарланып отыр»,- деді  Руслан Ұлықбанов.

БЕЙНЕУ АУДАНЫ ӘКІМДІГІНІҢ БАСПАСӨЗ ҚЫЗМЕТІ

• 16.08.2021
• 180