Қарағанды облысында астық жинау науқаны басталды

Егістікке бірінші болып Абай, Бұқар жырау, Жаңаарқа және Шет аудандарының аграршылары шықты.

Жаппай астық жинау жұмыстарын 1 қыркүйектен бастау жоспарлануда.

Биыл облыста 930 мың гектардан астам астық жинау қажет. Өңірде астық өндіру ішкі тұтынуды толық қамтамасыз етеді және экспорттық әлеуетті құрайды.

25,2 мың гектар жерден майлы дақылдарды, 11 221 гектар алқаптан картоп пен 1619 гектар алқаптан көкөністі жинау күтілуде. Барлығы 290 мың тонна картоп пен 55,6 мың тонна көкөніс жинау жоспарланып отыр.

Егін жинау кезіндегі шығындарды азайту үшін қолайлы ауа-райы ғана емес, сонымен қатар үйлесімді жұмыс, дұрыс техника қажет. Жиын-терін науқанына барлығы 1989 астық жинайтын комбайн мен 3000-нан астам техника қатысады. 17 мың тонна арзандатылған дизель отыны бөлінді.

Егін жинау науқаны күнделікті бақылауда.

• 17.08.2021
• 267