Ақтөбе облысында шалғын көбелегінің жұлдызқұртына қарсы 40 мың гектар алқап өңделді

Облыс әкімі Оңдасын Оразалин шалғын көбелегінің жұлдызқұрты тағы пайда болса химиялық өңдеуге кірісуге дайын техниканы қарап шықты
Барлығы 70 бірліктен астам техника дайындалып, енді пайда болатын зиянкестерге қатты әрі ұзақ әсер ететін пестицидтер таңдалды.
Өңір басшысы: «Саябақтарды, гүл бақтарын, тұрғын үй алаптарын, орман және шаруа қожалықтарын өңдеңіздер. Қаланы, ауылды аймаққа бөліп, әрбір участокті өңдейтін жауаптыны анықтаңыздар»,- деп тапсырды.
Ауыл шаруашылығы басқармасының басшысы Исатай Еспағамбетовтың айтуынша, шалғынды көбелектің жаппай өршуі 8-10 жыл аралығында болады. Елдің батыс өңірлерінде жазғы кездері қолайлы ауа райы жағдайында зиянкестер үш ұрпаққа дейін көбейе береді. 7-ші тамыздан бері шалғын көбелегінің үшінші ұрпағы жаппай белең алуда. Жұлдызқұрттың пайда болу кезеңі тамыз айының соңы – қыркүйек айының басы болу мүмкін деп болжануда.
Сонымен бірге, жұлдызқұрттардың таралуы азаяды деп болжанып отыр, зертханалық зерттеулерге сәйкес, күндізгі және түнгі уақытта температура күрт төмендегенде жұмыртқалардың 50 пайызы өмірге қабілетсіз болып шықты.
Исатай Еспағамбетов  жұмысы ауыл шаруашылығы өнімдерін өндірумен байланысты шаруашылық жүргізіп отырған субъектілер зиянкестерге қарсы химиялық өңдеуді өз қаржыларына жүргізуге міндетті. Сонымен бірге зиянкестерге қарсы инсектицидтерді қолданған шаруашылықтарға дәрі-дәрмектің 50%-ға дейін төмендетілген құнындай субсидия беріледі.

• 17.08.2021
• 320