ЖАҢАӨЗЕН ҚАЛАСЫНЫҢ ТҰРҒЫНЫ ӨЗ ҚОЛЫМЕН "DISNEYLAND" ТҰРҒЫЗДЫ

Жаңаөзен қаласының тұрғыны Ибраһим Қаржаубайұлы "Бәйтерек"  шағын ауданында тұрады. Ол екі баланың әкесі.  Балақайлары бос уақытын тиімді өткізу үшін Ибраһим Қаржаубайұлы ҚР Тәуелсіздігінің 30 жылдығы аясында өз үйінің ауласына балалар ойын алаңшасын тұрғызды. Бұл туралы Жаңаөзен қаласы әкімдігінің баспасөз қызметі хабарлады. 

Ибраһим түрлі материалдарды қолданып, әткеншек, сырғанақ, өрмелеуіш және үйшіктер салды. Бұдан бөлек ол бау-бақша ісімен шұғылданып, үй құстары мен төрт түлік мал бағады. 

«Менің негізгі қызметім - "Бұрғылау" ЖШС-де. Онда аға инженермін. Ал үйдегі шаруа - мен үшін қосымша жұмысым. Үй ауласында жүзім, алма, алмұрт, шабдалы, өрік ағаштары бар. Ағаштарға күтім жасап, мал бағу арқылы балаларымды жастайынан еңбекке баулып келемін», - деді Ибраһим Қаржаубайұлы.

Ибраһим Қаржаубайұлы - қалалық қоғамдық кеңестің мүшесі. Ол алдағы уақытта бақша көлемін ұлғайтып, шағын жылыжай салуды жоспарлап отыр. 

МАҢҒЫСТАУ ОБЛЫСЫНЫҢ ҚОҒАМДЫҚ КОММУНИКАЦИЯ ОРТАЛЫҒЫ

• 19.08.2021
• 150