АҚЖІГІТ АУЫЛЫНА СУ ҚҰБЫРЫ ТАРТЫЛЫП ЖАТЫР

Ақжігіт ауылындағы темір жолдың батыс бөлігіне су құбыры тартылып жатыр. Бұл туралы Ақжігіт ауылының әкімі Жандос Салиев мәлім етті.

Оның айтуынша, су жүйесінің ұзындығы 11 шақырымды құрайды. 

«Қазір 1,5 шақырым траншея қазылып, шамамен бір шақырымға су құбыры салынды. Құрылысты «Нұр-Жол Құрылыс» мекемесі жүргізіп жатыр. Аталған жобаға жергілікті бюджеттен 226 млн. теңге бөлінді»,- деді Жандос Салиев.
 

Ауыз су жүргізу жұмыстары «Нұрлы жер» бағдарламасы аясында жүзеге асқан. Бұл жоба арқылы 10 ауыл тұрғыны жұмыспен қамтылды. Нәтижесінде Ақжігіт ауылы сумен 100 пайыз қамтамасыз етіледі деп күтілуде. Жоспарға сәйкес, су құбырларын тарту жұмыстары жыл соңына дейін толық аяқталуы тиіс.

БЕЙНЕУ АУДАНЫ ӘКІМДІГІНІҢ БАСПАСӨЗ ҚЫЗМЕТІ

• 19.08.2021
• 225