Облыс әкімі кәсіпкерлікке көрсетілген мемлекеттік қолдау шараларының тиімділігін тексерді

Облыс әкімі Оңдасын Оразалин Ақтөбе қаласындағы кәсіпкерлікті дамыту бағдарламасы аясында мемлекеттік қолдау тапқан бірқатар кәсіпорындарды қарап шықты.
Өңір басшысы құрылысы мен жабдықталуына 2,9 млрд. теңге жеке инвестиция бөлінген «Самрұқ» мәдени-туристік орталығында болды. Жобаны жүзеге асыру аясында «Қарапайым заттар экономикасы» бағдарламасы бойынша 550 млн. ​ теңге көлемінде жеңілдетілген несие берілді. Кешенде ұлттық тағамдар мейрамханасы, банкет залы және «Angel in Us» франшизасы бойынша мейрамхана бар. Нысан аяқталды, бүгін ашылып, соның арқасында 35 жаңа жұмыс орны құрылды.
«Ideal Plast Construction» ЖШС металл-пластикалық конструкцияларын шығаратын цех 70 адамды жұмыспен қамтып отыр.
«Өнімдерді роботтандырылған-автоматтандырылған жабдықта шығарамыз. Бір жыл бұрын Нұр-Сұлтанда филиалымызды аштық. Жалақы 200 мың теңгеден 500 мың теңгеге дейін. Мемлекет қолдауымен компанияның көлемі шамамен үштен біріне өсті», - дейді ЖШС құрылтайшысы Аркадий Яковлев.
Қазіргі уақытта компания жылына 40 мың шаршы метрге дейін металл-пластикалық конструкциялар шығарады. Өндірісті кеңейту «Қарапайым заттардың экономикасы» бағдарламасы аясында 80 миллион теңге көлемінде жеңілдетілген банктік несие беру арқылы қолдау тапты. Сонымен қатар, «Бизнестің жол картасы 2025» бағдарламасы бойынша 15,7 млн.теңгеге электр энергиясы жүргізілді.
Мемлекеттік қолдауды «Парус» ФЭ құрғақ бетон қоспаларын өндіру цехы да «Бизнестің жол картасы 2025» бағдарламасы аясында 39 млн. теңге несие түріндегі субсидия ретінде алды.

• 20.08.2021
• 195