Ақшұқырда 160 орындық спорт кешені салынып жатыр

Бұқаралық спорт түрлерін дамыту, оның ішінде салауатты жас ұрпақ тәрбиелеу - мемлекетіміздің стратегиялық басым бағыттарының бірі. Маңғыстау өңірінде спортты дамытуда спортшылардың  талабын қанағаттандыру, тұрғындардың бос уақыттарын дұрыс ұйымдастыру, бұқаралық спорт пен салауатты өмір салтын насихаттау мақсатында жұмыстар жүйелі түрде атқарылып келеді.

Биыл Ақшұқыр ауылында 160 орындық дене шынықтыру-сауықтыру спорт кешені салынуда. Құрылысы қарқынды жүріп жатқан спорт кешенінің жұмыс барысымен өңір басшысы С. Трұмов Түпқараған ауданына жасаған жұмыс сапарында танысты. 

Жоспар бойынша спорттың 11 түрін (футбол, волейбол, баскетбол, қазақша күрес, дзюдо, бокс, гимнастика, асық ату, садақ ату, тоғызқұмалақ) дамыту жүзеге асуы тиіс спорт кешені алдағы күз айларында халық игілігіне берілетін болады. 22 жаттықтырушымен қамтылатын спорт кешенінің қабырғасынан болашақ әлем чемпиондарын шығару көзделіп отыр. 

• 24.08.2021
• 274