АҢАӨЗЕНДІК АҒАЙЫНДЫЛАР ЦЕХ АШТЫ

Орынбасар Халмұратов осыдан бірнеше жыл бұрын темірден түрлі тұрмыстық бұйым дайындайтын цех ашты. Ол  "Шебер" цехін құрып, 2009 жылы дәнекерлеуші етіп інісі Жандосты жұмысқа қабылдайды. Ағайындылар темір есіктерді, орындықтарды т. б. бұйымдарды өрнектеп, сатылымға шығарады. 

«Біз жасаған бұйымдар үлкен сұранысқа ие. Тапсырыс берушілердің қатары күн санап артып жатыр. Бауырым екеуімізге темірден ғажайып дүниелерді дайындау шеберлігі әкемізден дарыған», - деді Орынбасар Халмуратов.

Шебер жігіттердің әкесі Қайыпбай ұзақ жылдар бойы асфальт төсеу мекемесінде дәнекерлеуші болып абыройлы еңбек еткен. Күнделікті өмірге қажетті бұйымдарды өзі әзірлеген екен. Бүгінде әке жолын ұлдары жалғастырып, елдің алғысына бөленіп жүр.

Орынбасар Халмуратов он адамды жұмыспен қамтып отыр. Жандостың арманы - болашақта кәсіпкерлерді қолдауға бағытталған  мемлекеттік бағдарлама арқылы кәсіп ашу. Ол үшін жобалары да дайын.

МАҢҒЫСТАУ ОБЛЫСЫНЫҢ ҚОҒАМДЫҚ КОММУНИКАЦИЯ ОРТАЛЫҒЫ

• 26.08.2021
• 242