Қарағанды облысының фермерлері азық құнын арзандатуға субсидия алады

Қуаңшылық жазға байланысты оның салдарын жою үшін малға жем-шөп дайындау мақсатында өңір фермерлері бірнеше рет әкімдікке жүгініп, мемлекеттік қолдау көрсетуді өтінген болатын.

Облыс әкімдігі облыстық мәслихат депутаттарының қолдауымен ауыл шаруашылығының ұрғашы малдарына жұмсалатын азық құнын арзандатуға субсидия бөлу туралы шешім қабылдады. Облыс бюджетінің тамыз айындағы нақтылауында 200 млн теңге қаржы бөлу туралы ұсыныс қолдау тапты.

Қазан айында қосымша қаржы бөлу қарастырылады. Субсидиялар мал жайылымы шөлді табиғи аймақта орналасқан ауыл шаруашылығы тауарын өндірушілерге арналған. Оларға Ұлытау, Шет, Жаңаарқа және Ақтоғай аудандарының шаруашылықтары жатады.

Субсидияны төлеу ағымдағы жылдың қазан айынан басталады.

• 01.09.2021
• 539