Облыс әкімі Ақтөбе қаласының көшелерін түнгі жарықтандырылуын күшейтуді тапсырды

2 қыркүйек, бейсенбі күні облыс әкімі Ақтөбе қаласын жұмыс сапарымен аралау барысында түнгі уақытта адамдар көп жүретін және автомобиль трафигі көп болатын облыс орталығы көшелерінің жарықтандырылуын тексерді.

Айналып өту маршруты Ә.Молдағұлова даңғылын, 312 Атқыштар Дивизиясы көшесін, М. Мәметова көшесін, Бөкенбай батыр көшесін, Әбілқайыр хан және Сәңкібай батыр даңғылдарын абаттандыруды тексеруді қамтыды.

Тексеру қорытындысы бойынша облыс әкімі қала басшылығына қала көшелерін түнгі жарықпен қамтамасыз ету жұмыстарын жандандыруды, соның ішінде 1 қазанға дейін Ж. Кереев көшесіндегі үйлердің иллюминациясы үлгісі бойынша Әбілқайыр хан даңғылындағы және Ә.Молдағұлова көшесіндегі көп қабатты ғимараттарды жарықтандыруды аяқтауды тапсырды.

Айта кетейік, Ақтөбе қаласының көшелері соңғы уақытта жарықдиодты немесе LED-экрандармен белсенді жарықтандырылуда. Жақын арада Қазақстанда аналогы жоқ арка түріндегі бірегей LED-экран триатлон саябағының сәнін келтіреді.

• 03.09.2021
• 265