«Мемлекеттік қызмет персоналын басқару ұлттық орталығы» АҚ-да жобаларды іске асыру барысы туралы

«Мемлекеттік қызмет персоналын басқару ұлттық орталығы» АҚ-да жобаларды іске асыру барысы туралы

«Мемлекеттік қызметтің персоналын басқару ұлттық орталығы» АҚ (бұдан әрі - Орталық) ағымдағы жылы бірнеше жобаны іске асыруда.

Солардың бірі «Президенттік жастар кадр резерві» жобасы болып табылады.

Мемлекет басшысының тапсырмасын орындау үшін Президенттік жастар кадр резервіне кезекті іріктеуді өткізуге белсенді жұмыс жүргізілуде. Президенттік жастар кадр резервіне іріктеу ағымдағы жылдың 1 қыркүйегінен 25 желтоқсанына дейін жүргізіледі.

Аталған жоба ҚР Мемлекеттік қызмет істері агенттігімен және ҚР Президенті жанындағы Мемлекеттік басқару академиясымен бірлесіп жүзеге асырылуда.

Осы жоба шеңберінде арнайы интернет-портал әзірленіп, ағымдағы жылдың 16 тамызынан бастап ол pkrezerv.gov.kz мекенжайы бойынша қолжетімді.

Портал келесі бөлімдерден тұрады:

• Басты бет;
• «Жоба туралы» бөлімі;
• Жиі қойылатын сұрақтар;
• Галерея;
• Іріктеу нәтижелері.

Үміткерлерге тіл таңдау мүмкіндігі беріледі.

Кез келген адам қатысушыларға қойылатын талаптармен және іріктеу тәртібімен, іріктеуді өткізу мерзімдерімен және әрбір кезеңде қатысушыларды іріктеу өлшемшарттарымен таныса алады.

Жиі қойылатын сұрақтар бөлімінде негізгі сұрақтар мен оларға жауаптар бар. Қажеттілігіне қарай осы бөлімдегі ақпарат жаңартылады және толықтырылады.

Кез келген өзгерістер мен жаңалықтар осы сайтта жарияланады.

Барлық ниет білдірушілерге іріктеу нәтижелерімен танысуға мүмкіндік беріледі. Нәтижелер үміткердің аты-жөнін іздеу мүмкіндігімен әр кезеңде қол жетімді болады. Бұл функционал барлық рәсімдердің ашықтығы мен айқындығын қамтамасыз етуге бағытталған.

Арнайы бөлінген консультанттармен электрондық пошта арқылы сапалы кеңес беріледі және кез келген адам порталда хабарлама қалдыра алады. Қолдау жұмыс уақытында қол жетімді болады, тестілеу күндері қолдау тәулік бойы жұмыс істейді.

Іріктеу кезеңдерінен өту үшін әрбір үміткерге тіркелу.

Жүйе әр үміткерге автоматты түрде ID тағайындайды. Кандидаттарға осындай көзқарас бағалаудың барлық кезеңдерінде объективті және бейтарап бағалауға мүмкіндік береді.

Тіркеу процесінен өтуд кандидаттардың зейінділігі маңызды болып табылады. Жеке кабинетті толтыру кезінде барлық қажетті құжаттар жүктеледі.

Содан кейін кандидаттар келесі іріктеу кезеңдерінен өтеді:

1. Қабілеттерді тестілеу (ауызша және сандық)

2. Тестілеуді верификациялау

3. Ситуациялық есептерді шешу

4. Құзыреттерді бағалау

5. Сараптау комиссиясында әңгімелесу

6. Ұлттық комиссияның отырысы

   Ағымдағы жылда тіркелу үшін кандидаттардың тек электрондық поштасы ғана емес, сондай-ақ электрондық цифрлық қолтаңбасы (ЭЦҚ) болуы қажет.

  Кандидатқа жеке кабинетте өз деректерін толтыру қажет. Сондай-ақ, құжаттарды жүктеу талап етіледі, олардың мөлшері pdf, jpeg форматтарында 10 Мб аспауы керек. Олар барлық құжаттардың сапалы және оқылатындай сканерленгеніне көз жеткізуі керек.

    Кандидаттардың өздері ұсынылған мәліметтер үшін дербес жауапты болады, алайда дұрыс емес ақпарат анықталған кезде немесе деректер жалған болған жағдайда, кез келген сатыда кандидаттар тізімнен шығарылатын болады.

    Жеке кабинетте кандидаттарға алдағы болатын шаралар туралы ақпарат, ескекерту жіберіледі. Сондай-ақ, электрондық поштаға тарату қамтамасыз етіледі.

    Тестілеу алдында фото сәйкестендіруден басқа тестіленушінің құрылғылары, браузері, операциялық жүйесі тексеріледі.

    Кандидат тарапынан барлық кезеңдерден толық өту үшін компьютердің (ноутбуктің) болуы, кемінде 5 Мб/сек жылдамдықпен сапалы интернет байланысы, веб-камера және микрофон қажет.

    Рkrezerv.gov.kz - порталына Google chrome браузері арқылы кірген жөн.

    Тестілеуден өту үшін кандидаттар ыңғайлы уақытқа алдын ала жазылу қажет. Әр уақыт ұясындағы орындар саны 1000 адамға дейін шектеледі. Сондай-ақ, сынақ тестінен өтуге мүмкіндік берілген.

   Іріктеу кезеңдерінің бірі ұзақтығы 45 минутты құрайтын ситуациялық есептерді шешу болып табылады. Ыңғайлы болу үшін экранда қалған уақыт таймері және «АЯҚТАУ» түймесін басу арқылы тапсырманы мерзімінен бұрын аяқтау мүмкіндігі көрсетіледі.

   Ағымдағы жылы әңгімелесу бейнеконференцияны пайдалана отырып, оффлайн және онлайн форматтарда өткізіледі. Олар орталықтандырылған түрде жазылады және сақталады.

   Әңгімелесу кезінде кандидатқа комиссияның бірнеше мүшесі қосылады, олардың әрқайсысы өзінің тәуелсіз бағасын қояды.

   Ұлттық комиссия отырысының қорытындысы бойынша кандидаттарды Президенттік жастар кадр резервіне алу туралы шешім қабылданады.

   Талаптардың сақталуын бақылау мақсатында прокторинг жүйесі қолданылатын болады.

   Прокторинг жүйесі үміткердің тестілеуге қойылатын талаптардың сақталуын автоматты режимде қадағалауға мүмкіндік береді. Прокторлар тестілеу кезінде үміткерлердің мінез-құлқын бақылайды және бақылайды.

• 06.09.2021
• 552