Абайда балалар және спорт алаңдары орнатылып, тұрғын үйлер салынуда

Мұнда тұрғын үйлерді салу және қалпына келтіру бойынша белсенді жұмыстар жүргізілуде.

Мәселен, Абай қаласындағы 4-ші шағын ауданда көпбалалы және әлеуметтік осал отбасыларға арналған 70 пәтерлі үй қалпына келтірілді. Ал 3-ші шағын ауданда бес үйдің ауласы абаттандырылып, тротуарлар, асфальт салынып, балалар және спорт алаңдары жайластырылып, жарықтандыру жүргізілуде.

Сондай-ақ «Нұрлы жер» мемлекеттік бағдарламасы бойынша «Отбасы банктің» бағдарламасына қатысушылар үшін 80 пәтерлік бес қабатты үй салынды. Осы аптада кілттерді тапсыру жоспарлануда.

Ал Жеңіс даңғылында жеке инвестициялар есебінен келесі жылға қарай 45 пәтерлік 5 қабатты үй салынады. Биыл Абайда барлығы 168 пәтер пайдалануға беріледі.

Сапар барысында Көксу ауылдық округіндегі фермерлік шаруашылықтарда болдым.

«Астра-Агро LTD» компаниясы 500 мал басына арналған сүт-тауар фермасын салады. Нысан 2023 жылы пайдалануға берілгеннен кейін 30 жұмыс орны ашылады. Сондай-ақ «Шанс» ШҚ 400 басқа арналған сүт-тауар фермасын салады. Инвестициялар есебінен мұнда құрама жем зауыты және Petkus астық тазалау технологиясы салынды.

Ал «Достык 2009» ЖШС биыл картоп қоймасының құрылысын аяқтаса, «Каймар» ШҚ астық қоймасын салды. «Құрма» агрофирмасында құс фабрикасы жаңғыртылып, сою цехы кеңейтілді.

Қазіргі уақытта Абай ауданында барлығы жеті инвестициялық жоба жүзеге асырылуда. Мұнда облыстағы барлық картоп пен көкөністердің жартысынан көбі өсіріледі. Егін жинау үшін 2 500 тонна арзандатылған дизель отыны бөлінді. Жиналған өнімді сақтау үшін 44 жеміс-көкөніс және 24 астық қоймасы құрылды.

Қазір астық жинаудың жоғары қарқынын сақтап, науқанды қыркүйек айының соңына дейін аяқтау аса маңызды.

• 08.09.2021
• 380