Малайзиялық компания Қарағандыда 700 орындық мектеп салмақ

Малайзия елшісі Дато Саид Бакримен кездесіп, өзара ынтымақтастық мүмкіндіктерін талқыладық.

Кездесу барысында Қарағандыда 700 оқушыға арналған жеке заманауи мектепті салу туралы келістік. Бұл туралы Қарағанды қаласының әкімдігі мен «King Development» құрылыс компаниясы арасында тиісті меморандум жасалды. Бұған дейін компания Нұр-Сұлтанда осындай мектепті салған болатын.

Жаңа оқу орны Оңтүстік-Шығыста «Таугүл» шағын ауданында салынады. Мектеп құрылысына қаражатты малазиялық инвестор бөледі. Сондай-ақ мектепте дарынды балалар үшін мемлекеттік гранттар қарастырылған. Мектепті салу жұмыстары көктемде басталады. Ал 2023 жылдың 1 қыркүйегінде білім ордасы қарағандылық оқушылар үшін есіктерін айқара ашады деп жоспарлануда.

• 08.09.2021
• 299