Республикалық Тілдер байқауы

Республикалық Тілдер байқауы. Өзге ұлт өкілдері сынға түскен кезекті сайысты еліміздің Білім және ғылым министрлігі Тіл саясаты комитеті ұйымдастырды. "Мен қазақша сөйлеймін!" конкурсына Ішкі істер министрлігінен өңірлік полиция департаменттерінің қызметкерлері қатысып, бақ сынады.

Тартысты сайыста нағыз тіл майталмандарынан кем түспейтін өзге ұлт өкілдері қазақ тілінде жыр-жаттауларды мәнерлеп оқыды.

Құқыққорғау органдар арасында полиция қызметкерлері үздік өнер көрсетіп, топ жарды.

Ақтөбе облысының полиция департаменті Арнайы жасағының қызметкері Александр Борисов бас жүлдені қанжығасына байласа,

Солтүстік Қазақстан облысының Полиция департаментінің патрульдік полиция қызметкері Александр Авдонин 1-орынға жайғасты.

Бұл жетістік - ішкі істер органдары үшін үлкен мәртебе. Азаматтардың тыныштығы үшін талмай қызмет етіп қана қоймай, мемлекеттік тіл мәртебесін көтеруге үлес қосып жүрген әріптестерімді шын жүректен жеңістерімен құттықтаймын!

Қазақстан Тәуелсіздігінің 30 жылдығы қарсаңында ұйымдастырылған мәні зор, тәлімі терең шараға қатысқан өзге де өңірлік полиция департаментінің қызметкерлеріне алғысымды білдіремін.

Барлықтарыңыздың жұмыстарыңызға табыс, отбасыларыңызға береке тілеймін!

• 15.09.2021
• 307