Маңғыстау облысының әкімі БҰҰ-ның Қазақстандағы тұрақты үйлестірушісін қабылдады

Бүгін, 15 қыркүйеке Маңғыстау облысының әкімі Нұрлан Ноғаев БҰҰ-ның Қазақстандағы тұрақты үйлестірушісі Микаэла Фриберг-Сторимен кездесті, деп хабарлайды Маңғыстау облысы әкімінің баспасөз қызметі.

 Кездесу барысында Қазақстан БҰҰ-мен экономика, экология, әлеуметтік даму, адам құқықтарын сақтау, терроризм мен ұйымдасқан қылмысқа, есірткі бизнесіне қарсы күресте ынтымақтастықты нығайтуға үлкен көңіл бөлінетіні айтылды. 

 - Өзімнің тарапымнан халықаралық қатынастардағы сенімді, бейбітшілік пен қауіпсіздікті нығайтуға бағытталған барлық бастамаларды қолдауға әрқашан дайын екенімді атап өткім келеді, - деді Нұрлан Ноғаев.

 Өңір басшысы Микаэла Фриберг-Сториге Маңғыстауға келген сапары үшін алғысын білдіріп, бұл кездесу жемісті әріптестік орнатуға жаңа серпін беретінін атап өтті.

• 15.09.2021
• 210