2021 жылдың қыркүйек айының 1-ші онкүндігіне қысқаша агрометеорологиялық шолу

Қыркүйектің бірінші онкүндігінде Қазақстанның басым бөлігінде жаздық  бидайдың пісуіне қолайлы жағдай болған, алайда республиканың негізгі астық егілетін аймағының басым бөлігінде жауын-шашынның болуы (1-3 күн бойы) егін жинау жұмыстарының қарқынын төмендеткен. Астық егілетін аймақтарда жаздық бидай жинау науқаны жалғасуда.

Жаздық бидай егістіктерінде «дәннің толық пісуі» кезеңі байқалды. Ақмола, Қостанай, Солтүстік Қазақстан, Павлодар, Қарағанды, Шығыс Қазақстан және Батыс Қазақстан облыстарындағы бақыланатын учаскелерде жаздық бидайдың жағдайы көбінесе жақсы және қанағаттанарлық. Бақылау учаскелерінде жаздық бидайдың «толық пісу» кезеңі байқалған. Алматы облысында жаздық бидайдың жағдайы жақсы, «дәннің уыздануы» кезеңі байқалды.

Жылу сүйгіш дақылдардың (дәндік жүгері, күріш, соя, қант қызылшасы, мақта) жағдайы жақсы, даму фазасы - «дәннің уыздануы» және «толық пісу», кей жерлерде жүгері және күріш жинауға кіріскен, вегетациялық және қоректендіре  суару жалғасуда.  Күріш егістіктерінде күріш чектерінен су жіберуге, онкүндіктің соңында бөлектеп жинау кезінде дестелеп шабуға кіріскен («Бақанас» станциясы).

2021 жылғы қыркүйек айының  1-ші онкүндігінде агрометеорологиялық шолумен толығырақ https://www.kazhydromet.kz/ru/agrometeorology/kratkiy-obzor-agrometeorologicheskih-usloviy сілтеме арқылы өтіп, таныса аласыз.

• 16.09.2021
• 302