ҚР АҚДМ-де Әзербайжан делегациясымен кездесу өтті

Бүгін ҚР АҚДМ-де Аида Балаева Нұр-Сұлтандағы Еуразиялық Медиа Форумның қатысушылары Әзербайжан Республикасының өкілдерімен кездесу өткізді.

Іс - шараға К.Гасанов, А. Исмаилов, О. Саттаров, А. Атамогланов, Р. Маммадов қатысты.

Министр А.Атамоглановты жақында Әзербайжанның Қазақстандағы Төтенше және Уәкілетті Елшісі қызметіне тағайындалуымен құттықтап, Министрлік қызметінің негізгі бағыттарымен таныстырды.

Оған қоса, Аида Балаева Әзербайжан аумағында кабельдік операторлар торында «Qazaq tv» телеарнасының хабар таратуына көмек көрсетуді сұрады, сондай-ақ Министрліктің Әзербайжан телеарналарымен бірлескен жобаларды іске асыруға, медиасаладағы мамандардың тәжірибе алмасуын ұйымдастыруға дайын екендігін білдірді.

А. Балаева Әзербайжан өкілдерін ағымдағы жылдың 27-28 қыркүйегінде өтетін «Astana Media Week» медиаапталығына қатысуға шақырды.

Кездесу қорытындысы бойынша тараптар өзара тиімді ынтымақтастыққа қызығушылық танытты.

• 16.09.2021
• 208