Орталық Азиядағы ауа сапасының мониторингі

2021 жылдың 29 қыркүйегінде "Орталық Азиядағы ауа сапасының мониторингі" конференциясы басталды. Кездесудің мақсаты — ауа мониторингінің міндеттерін талқылау және атмосфераның ластануының ағымдағы жай-күйін қадағалау, сондай-ақ ластану көздері бойынша шешім қабылдау және халықты ақпараттандыру үшін деректер жинау болып табылады.

Конференцияға қатысушылар: экология, геология және табиғи ресурстар, сонымен қатар денсаулық сақтау, ақпарат және қоғамдық даму министрліктерінің, "Қазгидромет" РМК, "Тәжірибелі экологтар қауымдастығы", "MoveGreen" ҚБ өкілдері, Қырғызстан, Өзбекстан, Тәжікстан және Түрікменстан гидрометеорологиялық қызметтерінің уәкілдері, Орталық Азия елдерінің ғалымдары, экобелсенділер мен қоғам қайраткерлері, блогерлер.

Іс-шара барысында "Қазгидромет" РМК мамандары еліміздегі ауа сапасы мониторингінің қазіргі жағдайы туралы сөз қозғайды. Сондай-ақ, азаматтық экологиялық қауымдастықтармен өзара іс-қимыл және диалог құру бойынша оң тәжірибелерімен бөліседі.

Айта кетсек, Қазақстанның ұлттық гидрометеорологиялық қызметі ауа сапасының мониторингін дамытуда және ауаның ластануын болжауда үлкен жұмыс атқарып келуде. Мәселен, 2018 жылы әзірленген Air.KZ мобильді қосымшасы халықты уақтылы ақпараттандыруға мүмкіндік береді және ірі қалалардағы ауаның ластануы туралы нақты көріністі көрсетеді. Осы тұрғыда атап өтерлігі, мониторингтің келесі кезеңі — атмосфералық ауаның ластануын болжау. Бүгінгі таңда Қазгидромет мамандары бір күннен екі тәулікке дейінгі кезеңде ауаның ластануын есептей алады. Бұл Silam ауа сапасын болжаудың бейімделген моделінің арқасында мүмкін болды. 

"Қазгидромет" РМК эколог-мамандарының қол жеткізген жұмыс нәтижелеріне, көбінесе жеке эко-ұйымдармен ынтымақтастық арқасында қол жеткізілді. Экобелсенділер мен қоғам қайраткерлері Қазгидромет қызметкерлерімен бірлесе отырып, ауаны ластау көздері бойынша мәселелердің шешімін табу жолында,  халықпен, кәсіпорындармен және мемлекеттік органдармен диалог құра білді.

Мұның бәрімен және таза ауа үшін күрес мәселесіндегі нақты жетістіктермен, қатысушылар 30 қыркүйекке дейін жалғасатын екі күндік конференцияда танысатын болады.

• 29.09.2021
• 234