«Тарифтерді белгілеу тәжірибесі» атты үш күндік семинар басталды

АҚШ-тың халықаралық даму агенттігінің (USAID) қаржылық қолдауымен Коммуналдық кәсіпорындарды реттеу жөніндегі комиссия мүшелерінің ұлттық қауымдастығы (НАРУК) ұйымдастырған «Тарифтерді белгілеу тәжірибесі» тақырыбындағы үш күндік семинар бүгін басталып, ағымдағы жылдың 30 қыркүйегіне дейін жалғасады.

Өңірлік семинар Орталық Азиядағы реттеуші органдарға тарифтерді белгілеудің ең үздік тәжірибелерін әзірлеу кезінде қолдау көрсетуге бағытталған.

Аталған іс-шара презентацияларды, практикалық мысалдарды және әртүрлі елдердің практикалық мысалдарын пайдалана отырып, тариф белгілеуге байланысты мәселелерді талқылауды қамтиды.

Сонымен қатар, семинар барысында Орталық Азия елдерінде қолданылатын түрлі тәсілдер талқыланады.

Аталған семинарда ТМРК атынан Төрағаның орынбасары Нұрлан Жалғасбаев сөз сөйлейді.

ТМРК-мен қатар, семинарға Қырғыз Республикасы Үкіметінің жанындағы Отын-энергетика кешенін реттеу жөніндегі мемлекеттік агенттік, Өзбекстан Республикасының Қаржы министрлігі, Тәжікстан Республикасы Үкіметінің жанындағы Монополияға қарсы қызмет және Түрікменстан Энергетика министрлігі қатысады.

Бүгін, семинардың бірінші күні Орталық Азияның реттеуші органдарының өкілдері өздері жұмыс істейтін нормативтік-құқықтық орта туралы презентациялар ұсынып, өз елдерінде тарифтерді белгілеу тәжірибесін талқылайды.

Жалпы, семинар ТМРК-ның құрылымдық және аумақтық бөлімшелерінің 70-ке жуық қызметкерін қамтиды.

Сондай-ақ, семинардың күн тәртібіне сәйкес коммуналдық кәсіпорындарды экономикалық реттеу және Молдова мысалында қажетті кірісті анықтау бойынша шолулар таныстырылады.

Келесі күндері қатысушылар келесі сұрақтарды қарастырады:

- Гавайи штатының, АҚШ мысалында тиімділік көрсеткіштері негізіндегі тарифтік мөлшерлемелер;

- қызметтер құны негізінде реттеудің екінші компонентіне шолу – шығындарды бөлу;

- реттеуші органдардың тұтынушылар сыныптары арасында талап етілетін табысты бөлуі бойынша Грузияның практикалық мысалы;

- қызметтер құны негізінде реттеудің үшінші компонентіне шолу – тарифтік мөлшерлемелер құрылымы;

- практикалық мысалда тарифтік ставкаларды әзірлеу;

- АҚШ-тағы реттеуші органдар пайдаланатын тарифтік ставкаларды белгілеу процесіне шолу.

Ал баяндамашылардың үш күндік презентацияларының қорытындысы бойынша қатысушылар Орталық Азия елдерінің энергетика саласындағы реттеумен, инфрақұрылыммен, тарифтермен және субсидиялармен байланысты кездесетін мәселелерді талқылайды.

Жалпы, семинар Комитет қызметкерлері үшін басқа елдерде тарифтерді белгілеу тәжірибесін түсіну тұрғысынан өте қызықты және танымды болуы тиіс.

• 29.09.2021
• 306