2021 жылғы 24 қыркүйекте Мәскеуде Тәуелсіз Мемлекеттер Достастығы Экономикалық кеңесінің 91-отырысы өтті

2021 жылғы 24 қыркүйекте Мәскеу қаласында ҚР экология, геология және табиғи ресурстар министрлігі Геология комитетінің төрағасы Т.Б.Сатиев Тәуелсіз Мемлекеттер Достастығы Экономикалық кеңесінің 91-ші отырысына қатысып, 2017-2020 жылдардағы жер қойнауын барлау, пайдалану және қорғау жөніндегі үкіметаралық кеңестің қызметі туралы есеп берді.

Отырысты Тәуелсіз Мемлекеттер Достастығы Экономикалық кеңесінің төрағасы, Беларусь Республикасы Премьер-Министрінің орынбасары Игорь Петришенко ашып, өткізді.

ТМД-дағы экономикалық өзара іс-қимылдың өзекті мәселелері бойынша мүдделі пікір алмасылды. Қазақстан Республикасы Экология, Геология және табиғи ресурстар министрлігі Геология комитетінің төрағасы, ТМД елдерінің жер қойнауын барлау, пайдалану және қорғау жөніндегі Үкіметаралық кеңесінің төрағасы Сатиев Талғат 2017-2020 жылдар кезеңінде атқарылған жұмыстар туралы хабардар етті.

Өз сөзінде Т. Б. Сатиев 125-тен астам ел қатысатын және Интернет арқылы әлемнің геологиялық карталарына қашықтан қол жеткізу мүмкіндігіне бағдарланған OneGeology халықаралық жобасы шеңберінде жүргізіліп жатқан жұмыстар туралы атап өтті. Солтүстік, Орталық және Шығыс Азияның және оған іргелес аумақтардың 3D геологиялық құрылымдары мен металлогения халықаралық жобасы (Қазақстан, Ресей, Қытай, Моңғолия, Корея Республикасы) бойынша жұмыстарды жалғастыру және оның ықтимал мұнай-газдылығын бағалау мақсатында Каспий маңы шөгінді бассейнінің тереңдік құрылысын зерделеу туралы да айтылды. Бұдан басқа, трансшекаралық аумақтардың (Беларусь-Ресей, Қазақстан – Ресей, Қазақстан – Өзбекстан, Молдова – Украина – Румыния) ресурстық әлеуетін бағалау және жерасты суларының мониторингі бойынша мүдделі қатысушы мемлекеттердің ынтымақтастығы туралы атап өтті. Есепті кезеңдегі маңызды оқиғалардың бірі Өзбекстан Республикасының 1997 жылғы 27 наурызда ТМД Үкімет басшылары бекіткен минералдық-шикізат ресурстарын зерттеу, барлау және пайдалану саласындағы ынтымақтастық туралы келісімге қосылуы болды.

Экономикалық кеңесте жиналғандар басқа да бірқатар мәселелерді қарастырды, оның ішінде кездесу барысында Достастық елдерінің ынтымақтастығын одан әрі тереңдетуге бағытталған келісілген шешімдер қабылданды.

• 29.09.2021
• 212