«Қазгромет» РМК сарапшылары Қазақстан мен Ресейдің XVII аймақаралық ынтымақтастық форумына қатысуда

2021 жылдың 28-30 қыркүйегі аралығында Қазақстан мен Ресейдің мемлекет басшыларының қатысуымен «Экология және жасыл өсім саласындағы ынтымақтастық» тақырыбында XVII аймақаралық ынтымақтастық форумы өтті. Осы форум аясында "Климаттың өзгеруі" панельдік сессиясы өткізілді.

Климаттың өзгеруі – қазіргі заманның өзекті жаһандық мәселелерінің бірі. Климаттық жағдайларды есепке алу және олардың өзгерістерін бағалау, әлеуетті салдарларды айқындау және бейімделудің уақтылы және барабар шараларын қабылдау үшін, біздің елдеріміздің орнықты дамуын қамтамасыз ету үшін қажет. Осыған байланысты, бұл сессия бейімделу мәселелерінде тәжірибе алмасу үшін үлкен қызығушылық тудырады.

Еуразия құрлығының ортасында орналасқан және мұхиттан едәуір қашықтықта орналасқан Қазақстан аумағы, орта есеппен жер шарына қарағанда едәуір қарқынмен жылынады. 1976-2020 жылдар кезеңінде ауаның орташа жылдық температурасының сызықтық тренд коэффициенті, жер шары үшін +0,18 С/10 жыл; және Қазақстан үшін +0,32 С/10 жыл мәнін құрады.

Қазақстан климатының қазіргі заманғы өзгеруі, жер бетіндегі ауаның орташа жылдық және маусымдық температураларының айтарлықтай ұлғаюының, экстремалды жоғары тәуліктік температуралардың қайталануының, жылу толқындарының ұзақтығының үйлесуімен және жауын-шашын режимінде елеулі өзгерістердің болмауымен сипатталады.

"Қазгидромет" РМК мамандарының зерттеулері және осы саладағы көпжылдық бақылаулар, біздің ресми сайтымызда қолжетімді: https://kazhydromet.kz/ru/klimat/ezhegodnyy-byulleten-monitoringa-sostoyaniya-i-izmeneniya-klimata-kazahstana.

Ал 2022 жылдан бастап, Экологиялық Кодекстің 166-бабына сәйкес, "Қазгидромет" РМК Климаттық кадастрдың деректерін жалпыға қолжетімді етеді.

• 30.09.2021
• 235