Түркістан және Алматы облыстарына жұмыс сапары

Соңғы уақытта Министрлік пен Комитеттің атына жұртшылықтың тарапынан Түркістан облысындағы «Тұмар – XXI» ЖШС кәсіпорнының қызметіне және Жаркент қаласындағы Жаркент крахмал-сірне зауытының сүзу алаңынан шығатын күкіртсутектің жағымсыз иісіне шағымдар жиі келіп түсті.

Жағдайды анықтау үшін және ықпалды шешімдер қабылдау мақсатында, мен Түркістан және Алматы облыстарына жеке барып, әкімдермен және жұртшылықпен кездесіп, проблемалық нысандарды аралап шықтым.

Түркістан облысында мен «Тұмар – XXI» ЖШС басшылығымен және «Әділет Рухани жаңғыру» газетінің журналистерімен кездестім, олар Экология департаментінің іс-әрекеттерімен келіспейтіндігі туралы Министрлік пен Комитетке бірнеше рет өтініш білдірген болатын.

2019 жылы Түркістан облысы бойынша экология департаменті «Тұмар – ХХІ» ЖШС қызметін тексеру барысында құм-қиыршықтас қоспасын заңсыз өндіру (мемлекеттік экологиялық сараптаманың оң қорытындысынсыз), сондай-ақ Боралдай өзені арнасында жалпы таралған пайдалы қазбаларды заңсыз өндіру анықталды. Аталған бұзушылықтар үшін кәсіпорын әкімшілік жауапкершілікке тартылды.

Қазіргі уақытта, сот шешімімен кәсіпорынның ұсақтау-сұрыптау қондырғысының қызметі тоқтатылды.

Сонымен қатар, аталған істі егжей-тегжейлі зерделеу үшін және шешім қабылдау үшін осы мәселе бойынша қызметтік тергеу жүргізу туралы шешім қабылданды.

Алматы облысының Жаркент қаласындағы сүзгілеу алаңдарына барғанда, қалдықтар төгіліп жатқан жерде төгінділердің қаншалықты көп сақталғандығын көрдім. Құрылғы ағынды суларды тазартатын қондырғысыз жобаланғандығы анықталды. Ол тек қалалық, коммуналдық тазарту қондырғыларына ғана бағытталған. Бірақ, 2018 жылы қалалық коллектор ластаушы заттардың өте үлкен көлеміне байланысты кәсіпорынға өз қызметтерін ұсынудан бас тартты. Коллектор мұндай көлемді жеңе алмады. Нәтижесінде, компания өз коллекторын салды, бірақ ол өз қалдықтарын ешқандай тазартусыз, тікелей құбыр арқылы сүзу алаңдарына тастады.

Нәтижесінде, сүзу алқаптарында жүгеріні өңдеуден алынған қалдықтардың үлкен көлемінен жағымсыз иіс шыға бастады, жергілікті тұрғындар зардап шегетін күкіртсутектің шығарындыларын шығара бастады.

Тексеру барысында кәсіпорын тиісті экологиялық сараптама жүргізбей жұмыс істегендігі анықталды, тиісті айыппұл салынды.

Сондай-ақ, жақын арада кәсіпорынды толық тексеру туралы шешім қабылданды және төгінділер деңгейінің асып кетуі нақты расталған жағдайда, бұл тіпті анық көрінеді, кәсіпорынның жұмысын тоқтата тұруға дейін төгінділерге тыйым салу туралы мәселе қойылады.

Сонымен қатар, біз кәсіпорыннан төгінділер жүзеге асырылған сүзу алаңдарын қалпына келтіруді талап ететін боламыз.

Сондай-ақ, компания тамыз айында іске қосылатын тазарту құрылыстарын салып жатқандығы туралы хабарлады. Әзірге компания өз бастамасы бойынша өндірісті тоқтата тұрады.

Өз кезегінде, біз жергілікті әкімдікпен және кәсіпорынмен бірлесіп, тазарту құрылғаларының құрылысын жүргізу және аяқтау туралы, қалдықтарды одан әрі міндетті түрде сүзгіден өткізу, сондай-ақ сүзу алаңдарын қалпына келтіру мерзімдері көрсетілген Жол картасын әзірлеу туралы ұсыныс жасадық.

• 13.08.2020
• 419