Қарағанды облысында АҚШ-тың BARON Services Inc радиолокаторының монтажы аяқталды

Қазақстанның ұлттық гидрометеорологиялық қызметінің мамандары, BARON Services Inc американдық компаниясының өкілдерімен бірлесе отырып, Қарағанды облысының Жезқазған қаласында ДМРЛ монтаждау мен орнатуды аяқтады.

Айта кетелік, 2018-2019 жылдары Қазгидромет АҚШ өндірісінің 5 ДМРЛ сатып алды. Осылайша, бұған дейін үш ДМРЛ монтажы Алматы облысының Талдықорған қаласында және Қостанай облысының Торғай қаласында, сондай-ақ Ақтөбе облысының Шалқар қаласында аяқталған болатын. Қазір онда радиолокаторларды іске қосу-баптау және пайдалануға беру жұмыстары тәмамдап қалды.

Естеріңізге салсақ, ДМРЛ — бұл үлкен аумақтарда қарқынды жауын-шашын, найзағай, бұршақ, дауыл, турбуленттік аймақтар, желдің жоғары жылдамдығы және т.б. орналасу орны мен сипаты туралы ақпаратты нақты уақыт режимінде анықтауға және ұсынуға арналған. Сондай-ақ ол жауын-шашынның мөлшері мен жағдайын бағалауға, жауын-шашынның жылдамдығы және жаңбыр тамшыларының орташа мөлшерін білуге, күтілетін өзгерістерді дәл бағалауға мүмкіндік береді.

Өз кезегінде мұндай болжамдар, біздің елімізде үлкен сұранысқа ие. Себебі бізде (негізінен) күрт континентальды климат басым, сондай-ақ ауа-райының жиі өзгеруі байқалады.

• 04.10.2021
• 223