"Қазгидромет" РМК-ның Маңғыстау филиалы жөндеу жұмыстарын бітірді

Құрметті жазылушылар, естеріңізге сала кетсек, осыған дейін біз сіздерді "Қазгидромет" РМК-ның өңірлік филиалдарында жүргізіліп жатқан жаңарту мен жөндеу жұмыстары туралы жарияланымдар циклін бастайтындығымыз жөнінде хабардар еткен болатынбыз.

Осы жолғы сөз қозғалы отырған филиал — Маңғыстау бойынша болмақ. Айта кетерлігі, бұндағы метеорологиялық бақылау желісі, жұмыс істеп тұрған 16 метеостанциядан тұрады: Ақтау, Форт-Шевченко, Бейнеу, Қызан, сам, Опорная, Құлалы, Тұщыбек, Аққұдық, Сай-Өтес, Жаңаөзен, Жетібай, Болашақ, Қаламқас, Құрық, Ұштаған. Оның ішінде 3 теңіз, 9 автоматты станция бар және 3-інде қосымша агрометеорологиялық бақылау жүргізіледі. 2020-2021 жылдары онда, бірнеше айтарлықтай өзгерістер болды. Мәселен:

Аққұдық, Сайөтес, Опорная, Құрық, Қаламқас МС-ы 2020 жылдың 1 қыркүйегінен бастап АМС санатына ауыстырылды.

2020 жылы бақылау жоспарына көлденең көріну параметрлері мен ауа райы құбылыстары енгізілді.

Оған қоса:

аталмыш жерлерде, қызметтік үй-жайға, ғимараттың қасбетіне, қосалқы үй-жайға ішкі жөндеу жүргізілді;

автоматты метеорологиялық станцияның қоршауы орнатылды;

барлық метеорологиялық, гидрометеорологиялық станциялары, сонымен қатар "Ақтау теңіз порты" ЕЭА экологиялық бекеті, тиісті өрт сөндіру құралдарымен жабдықталды.

Тағы да атап өтерлігі, филиал қызметкерлері жыл сайын АҚ облыстық қызметінің құрамында Республикалық командалық-штабтық оқу-жаттығуларына қатысуда (Көктем-2021, Қыс-2021, Ағын-2021, Қорғау-2021, Қалқан-2021). Сонымен қатар, Маңғыстаудағы филиалда бейбіт және соғыс уақытында авариялық-құтқару жұмыстарын жүргізу бойынша оқу-жаттығулар да жиі өткізіліп тұрады.

• 04.10.2021
• 260