2021 жылдың қыркүйек айының 3-ші онкүндігіне қысқаша агрометеорологиялық шолу

Қыркүйектің үшінші онкүндігінде, Қазақстанның басты астық егілетін аймағының басым бөлігінде, бұрынғысынша жауын-шашынның көп түсуі байқалды. Бұл өз кезегінде егін жинау науқанының аяқталуына қолайсыз болды.

Еліміздің солтүстігінде, батысында және орталығында 1-4 күн аралығында желдің 15 м/с дейін күшеюі, жиналмаған дәнді дақылдар учаскелерінде биік егістердің жатып қалуына және егіннен айырылып қалуға әкелуі мүмкін еді. Бірақ еліміздің басым аумағында түнгі уақытта минус 2-6°С дейін (кей жерлерде минус 9°С дейін) байқалған үсік, піскен а/ш дақылдары үшін еш қауіп тудырмаған болатын.

Егін жинау жұмыстары Солтүстік Қазақстан, Ақмола, Батыс Қазақстан және Жамбыл облыстарында аяқталып, қалған астық егілетін өңірлерде аяқталуда.

Жылу сүйгіш дақылдардың (жүгері, күріш, қант қызылшасы, соя, мақта) жағдайы жақсы. Алматы облысы Шелек станциясы мен Түркістан облысы Шымкент станциясының маңайларында жүгері жинау жұмыстары басталды. Алматы облысының Үштөбе станциясының маңайындағы бақыланатын учаскелерде, онкүндіктің соңында егін жинау жұмыстары басталды. Жамбыл облысы Жамбыл ауданы Сарыкемір агропосты мен Асса станциясының маңында, қызылша егістіктерінде «қатар аралығының жабылуы» байқалды. Ал Алматы облысы Қызылту агропосты мен Талдықорған станцияларының маңайындағы қызылша егістіктерінде болса, «жапырақтардың сарғаюы» фазасы орын алды.

2021 жылдың қыркүйек айының 3-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy

• 05.10.2021
• 183