Қазақстан Тәуелсіздігінің 30 жылдығына орай «Менің отаным – Қазақстан» мәнерлеп оқушылар байқауы өтті

 Ағымдағы жылы 9 қазанда Нұр-Сұлтан қаласының Қазақстан халқы Ассамблеясы және Ақпарат және қоғамдық даму министрлігінің қолдауымен астаналық Достық үйінде «Менің Отаным - Қазақстан» мәнерлеп оқушылар байқауы өтті.

Байқау 6 жастан 16 жасқа дейінгі жас санатындағы дүнген балалары арасында қазақ тілінің қолдану аясын күшейту үшін өткізілді және Отанға – Қазақстан Республикасына арналды. Байқаудың ұйымдастырушысы – «Юнчи» дүнген этномәдени орталығы.

Іс-шараға Қазақстан халқы Ассамблеясынан Қазақстан Республикасы Парламенті Мәжілісінің депутаттары И. Буларов, А. Хамедов, Ақпарат және қоғамдық даму министрлігінің Этносаралық қатынастарды дамыту комитеті төрағасының орынбасары Е. Үйсімбаев, Қазақстан халқы Ассамблеясы мен этномәдени бірлестіктердің мүшелері және т.б. қатысты.

Байқаудың идеясы балалар арасындағы бейбітшілік, келісім мен достық атмосферасын одан әрі нығайтуға бағытталды.

Қатысушы балаларға арнайы сыйлықтар табысталды.

Байқау барлық санитарлық-эпидемиологиялық нормалар мен қолданыстағы ережелерді сақтай отырып өткізілді.

• 11.10.2021
• 308