«Қазгидромет» РМК экология мәселелері бойынша қоғамдық ұйымдармен белсенді жұмыс жүргізуде

Жақында Қарағанды облысының қоғамдық өкілдерімен кездесу өтті. Олар - Экомузейдің білім беру бағдарламаларының үйлестірушісі Ирина Игнатович, жобалар менеджері, Қарағанды облысы әкімдігі жанындағы Жасыл кеңес жұмыс тобының мүшесі Мария Тюрющева және «Экосервис-С» ЖШС өкілі Роман Костылев.

Қоғамдық қорлар мен экобелсенділер 2020 жылдан бері өз станциялары мен датчиктерінің деректерін атмосфералық ауаның сапасы бақыланатын «AirKz» ұлттық мобильді қосымшасымен белсенді түрде интеграциялап келеді. Осыған ұқсас мәселемен Теміртау қаласының белсенділері де өтініш жасады. Бұл кездесуде Қарағанды облысының табиғи ресурстар және табиғатты пайдалануды реттеу басқармасының тапсырысы бойынша «АрселорМитал Теміртау» ЖШС орнатқан 3 станцияның, сондай-ақ Теміртау қаласы азаматтарының 7 датчигінің көрсеткіштерін «AirKz» қосымшасына енгізу мәселелері талқыланды.

«Қазгидромет» компаниясы техникалық реттеу саласындағы ҚР заңнамасын сақтау қажеттілігін түсіндіріп, интеграцияға дайын екендігін білдірді.

Кездесуде белсенділерді сонымен қатар ластанудың өте жоғары деңгейі – қызыл,  жоғары  деңгейі – сары және төмен деңгейі  - жасыл түспен белгіленетін түстік градация негізіндегі нормативтер қызықтырды. Бұған қоса ауа сапасы және оның ластануын модельдеу туралы ақпаратқа онлайн қол жеткізуді дамыту перспективалары да талқыланды.

• 11.10.2021
• 202