2021 жылдың қазан айының 1-ші онкүндігіне қысқаша агрометеорологиялық шолу

Қазанның бірінші онкүндігінде норма шамасында және одан көп жауған жауын-шашын еліміздің оңтүстігінде жылу сүйгіш дақылдарды жинау жұмыстарының барысын және шығыста күнбағыс жинаудың аяқталуын біршама баяулатты.

Алматы және Жамбыл облыстарының бақыланатын учаскелеріндегі қызылша егістіктерінде «жапырақтардың сарғаюы» фазасы байқалады, өсімдіктердің жағдайы жақсы. Алматы облысы Ақсу ауданы Қызылту агропосты маңында қант қызылшасын жинауға кірісті.

Шығыс Қазақстан облысында күнбағыстың «егіндік пісуі», Шемонаиха станцияларының айналасындағы егістіктерде «пісу» фазасы байқалады. Күнбағыс жағдайы негізі жақсы және өте жақсы, күнбағысты жинау жалғасуда. Алматы облысында онкүндіктің соңында сояны жинау жұмыстары басталды, өсімдіктердің жағдайы жақсы.

Түркістан облысындағы мақта егістіктерінде негізінен «1-ші қорап қауашағының пісуі» кезеңі байқалады, Бөген агропостысының маңында мақтаны 1-ші жинауға кірісті, жекелеген учаскелерде пісуді жеделдету үшін химиялық препараттарды бүрку жолымен өсімдіктерді жинау алдындағы кептіру жұмыстары жүргізілді. Өсімдіктердің жағдайы негізінен өте жақсы, аяздың салдарынан Бөген агропостысының айналасындағы кейбір учаскелерде нашар.

2021 жылдың қазан айының 1-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy

• 13.10.2021
• 223