Қазақстан халқы Ассамблеясының қоғамдық келісім мен жалпыұлттық бірліктің қазақстандық моделін ілгерілету жөніндегі республикалық лекторийі

2021 жылғы 14 қазанда Жалпақтөбе ауылының мәдениет үйінде Қазақстан Республикасы Ақпарат және қоғамдық даму министрлігі Этносаралық қатынастарды дамыту комитетінің төрағасы Ғалым Шойкиннің төрағалығымен қоғамдық келісім мен жалпыұлттық бірліктің қазақстандық моделін насихаттау жөніндегі «Шоғырлану одан әрі прогрестің басты факторы ретінде» Республикалық лекторийдің сессиясы өтті.

Лекторийге ҚХА-дан ҚР Парламенті Мәжілісінің депутаттары Ілияс Буларов пен Ерлан Саиров қатысты.

Спикерлер баяндамаларында Мемлекет басшысы Қ.К. Тоқаевтың Қазақстан халқына Жолдауының негізгі идеясы – Тәуелсіздіктің басты көрінісі ретінде елде бейбітшілік пен келісімді сақтауға басты назар аударды.

Ғалым Шойкин халықтың бірлігі және жүйелі реформалар елдің өркендеуі үшін берік негіз болып табылатынын атап өтіп, ҚХА-ның идеологиялық міндеттері, этносаралық қатынастар саласында мемлекеттік саясатты жүргізудің жаңа қағидаттары мен идеологиялық тәсілдері туралы хабардар етті.

Кездесуде мемлекеттік тілдің мәртебесін көтеру, этностарға оны оқып-үйренуге жағдай жасау және ҚХА жастар ұйымдарының қызметін жандандыру мәселелеріне ерекше назар аударылды.

Тұрғындар Лекторийге айрықша қызығушылық танытып, жылы лебіздерін білдірді.

• 14.10.2021
• 215