Қоғамдық келісім мен жалпыұлттық бірліктің қазақстандық моделін ілгерілетуге арналған республикалық лекторий өз мәресіне жетті

2021 жылғы 15 қазанда Қазақстан Республикасы Ақпарат және қоғамдық даму министрлігі Тараз қаласында қоғамдық келісім мен жалпыұлттық бірліктің қазақстандық моделін ілгерілетуге арналған екі күндік республикалық лекторий өткізді.

Қазақстан Республикасы Ақпарат және қоғамдық даму министрлігінің Этносаралық қатынастарды дамыту комитетінің төрағасы Ғалым Шойкиннің модераторлығымен өткен лекторийдің пленарлық отырысына ҚР Парламенті Мәжілісінің депутаттары С. Абдрахманов, И. Буларов, Жамбыл облысы әкімінің орынбасары Д. Кәрібек, Қолданбалы этносаяси зерттеулер институты директорының орынбасары А. Сәдуақасова, Л.Н. Гумилев атындағы ЕҰУ ҚХА кафедрасының меңгерушісі Н. Калашникова, сондай-ақ ҚХА мүшелері, этномәдени бірлестіктердің өкілдері және т.б. қатысты.

Іс-шарада этномәдени бірлестіктер мен ҚХА қоғамдық институттары  Мемлекет басшысының «Халық бірлігі және жүйелі реформалар – ел өркендеуінің берік негізі» Жолдауын жүзеге асыруда атсалысып, қоғамдық келісім мен жалпыұлттық бірліктің қазақстандық моделінің ерекшеліктері талқыланды.

Спикерлер халықты біріктірудің басты факторы ретінде – мемлекеттік тілді оқыту керектігі жайлы, Қазақстандағы этносаралық қатынастарды дамытудың заманауи үрдістері, тақырыптарында сөз қозғады.

Айта кетсек, Лекторийдің басты мақсаты барлық қазақстандықтардың ортақ мәдени коды, бірыңғай құндылықтары мен жалпыұлттық тарихи санасы негізінде халық бірлігін нығайту болды.

Іс-шара соңында спикерлер барлық этностарды азаматтық құндылықтар негізінде бірігіп мемлекеттік тілді білуге шақырды. Этнос өкілдері еліміздегі бірлік пен қоғамдық келісімді қамтамасыз ету үшін бірігіп, балалар мен жастарды патриоттық рухта тәрбиелеу қажет деген пікірге келді.

• 18.10.2021
• 214