Нұрлан Ноғаев Маңғыстау тұрғындарын рухани келісім күнімен құттықтады

Бүгін, 18 қазанда өңір басшысы Нұрлан Ноғаев дәстүрлі дін өкілдерін қабылдап, рухани келісім күнімен құттықтады,  деп хабарлайды Маңғыстау облысы әкімінің баспасөз қызметі.

Кездесуге Қазақстан мұсылмандары діни басқармасының Маңғыстау облысы бойынша өкілі, облыстық «Бекет Ата» мешітінің бас имамы Ануар қажы Елжанов, «Уральская епархия Благовещенского прихода» жергілікті православ діни бірлестігінің діни қызметкері, протоиерей Сергий Понич,  «сердце святого Иисуса» Рим - католик діни қауымының жетекшісі Александр Калиновский қатысты.
Кездесуде Діни толеранттылық және конфессияаралық келісімді дамыту мәселелері талқыланды.

- Елбасының сарабдал саясатының арқасында тәуелсіздік алған күннен бастап елімізде түрлі этностар мен діни сенім өкілдері бейбітшілік пен келісімде өмір сүріп келеді. Ел Президенті атап өткендей, Қазақстан халқының бірлігі мен келісімі тәуелсіз мемлекеттің басты құндылығы болып табылады. Біз көпұлтты облыс тұрғындарының рухани құндылықтарын нығайту үшін барлық күш-жігерімізді саламыз, өйткені бұл үрдіс облыстың әлеуметтік - экономикалық дамуына оң әсерін тигізеді, - деді Нұрлан Ноғаев.

• 18.10.2021
• 233