Қостанай облысында нақты болжамды радар қамтамасыз етеді

Қостанай облысының Торғай ауылына 2021 жылдың қазан айында америкалық «Enterprise Electronic Corporation» компаниясы мемлекеттік қаражат есебінен доплер метеорологиялық радиолокаторын (ДМРЛ) орнатты. Радардан алынған деректер мен  жер үсті бақылау желілерінен алынған ақпараттың негізінде «Қазгидромет» РМК бір сағаттан бастап бір тәулікке дейінгі кезеңге нақты ауа-райы болжамын ұсынады және жақындап келе жатқан дауылдар мен ауа-райының күрт өзгеретіндігі жөнінде халыққа алдын ала ескертеді. Сонымен қатар бұл құрылғы  ұзағырақ болжамдарды үш күн мен 7 күнге түзету мүмкіндігін береді.

ДМРЛ құрылғысында 200 км-ге дейінгі радиуста үздіксіз сканерлеу қағидаты қолданылады. Радарлардың микротолқынды сәулеленуі халықтың тіршілік әрекетіне әсер етпейді, аспаптар жұмысына кедергі келтірмейді, өйткені сканерлеу 15 метр биіктікте жүргізіледі.

«Қазгидромет» РМК биыл Қазақстанның мынадай қалаларына -  Қарағанды облысының Жезқазған қаласына, Ақтөбе облысының Шалқар қаласына, Алматы облысының Талдықорған қаласына және  Қостанай облысының Торғай қаласына төрт ДМРЛ орнатпақ. Сонымен қатар 2022 жылы Қарағанды облысының Балқаш қаласына тағы бір радар орнату жоспарланып отыр.

• 19.10.2021
• 182