Нұрлан Ноғаев Маңғыстау облысының құтқарушыларын кәсіби мерекесімен құттықтады

Бүгін 19-қазан күні облыс әкімі Нұрлан Ноғаев төтенше жағдайлар департаменті қызметкерлері мен сала ардагерлерін құтқарушылар күнімен құттықтады, деп хабарлайды Маңғыстау облысы әкімінің баспасөз қызметі.

  Өңір басшысы халықтың тыныс-тіршілігі мен аумақтың қауіпсіздігін қамтамасыз етуде құтқарушы мамандардың маңызы ерекше екендігін атап өтті.

-ҚР Тұңғыш Президенті - Елбасы Н.Ә. Назарбаев 1995 жылғы 19 қазанда төтенше жағдайлар және Азаматтық қорғаныс саласындағы уәкілетті орталық атқарушы органды құру туралы Жарлыққа қол қойды. Мемлекет тарапынан осы жылдар ішінде елімізде төтенше жағдайлардың алдын алу және жою бойынша тиімді жүйе құрылды. Тәжірибе жинақталды және техникалық жағынан ойдағыдай жабдықталды. Міне, 26 жылдан бері еліміздің құтқарушылары мен өрт сөндірушілері халықтың қауіпсіздігін сақтауға күш салып келеді. Өмірі қауіп-қатерге толы мамандық иелері қандай құрметке де лайық,-деді облыс әкімі. 

  Кәсіби мереке күні өз саласында үздік деп танылған бірқатар құтқарушылар ҚР Төтенше жағдайлар министрі мен облыс әкімінің арнайы төсбелгісімен және Алғыс хаттармен марапатталды. 
 
 Биыл жыл басынан бері облыстағы құтқарушылар 3 мыңнан астам шұғыл құтқару жұмыстарына атсалысып, 53 адамның өмірін ажалдан арашалап қалған.

• 21.10.2021
• 214