2021 жылдың қазан айының 2-ші онкүндігіне қысқаша агрометеорологиялық шолу

Қазақстанның оңтүстігі мен оңтүстік-шығысында күздік бидай өсірілетін аудандарда тәуліктің түнгі уақытында ауа температурасының минус 8 ˚С -ға дейін, таулы аудандарда минус 12 ˚С -ға дейін төмендеуі байқалды, жауын-шашын тек Алматы облысының таулы және тау бөктеріндегі аудандарында түсті. Мұндай метеорологиялық жағдайлар оңтүстік облыстарда егістіктерді дайындауды (құрғақ топырақ) және күздік бидайды себуді біршама тежеді. Алматы және Жамбыл облыстарында күздік бидайдың ерте егістіктерінде «дәннің өнуі» фазасы байқалады. Дақылдардың сапасы өте жақсы және жақсы.

Шығыс Қазақстан облысының бақылау учаскелерінде күнбағыс өнімін жинау жалғасуда, «егіндік пісу» кезеңінде. Өсімдіктердің жай - күйі өте жақсы және жақсы.

Алматы облысының Талдықорған станциясының маңында қант қызылшасын жинай бастады, Жамбыл облысында қызылшаның «төменгі сыртқы жапырақтарының сарғаюы» кезеңі басталды, өсімдіктердің жай-күйі жақсы.

2021 жылдың қазан айының 2-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy

• 23.10.2021
• 334