Қосымбаев Т.Е.
ҚР ҰЭМ Табиғи монополияларды реттеу комитетінің төрағасы
ТМРК-да «ҚазТрансГаз Аймақ» АҚ-ның бағасына сараптама өткізу мәселесі талқыланды
2021 жылы 19 қазанда ҚР ҰЭМ Табиғи монополияларды реттеу комитетінде «ҚазТрансГаз Аймақ» АҚ-ның тауарлық газды бөлшек саудада өткізу бойынша көрсетілетін қызметіне баға сараптамасын өткізу мәселесі бойынша жария тыңдау өтті.
Елдегі эпидемиологиялық ахуалды ескере отырып, жария тыңдау мүдделі тұлғалардың қатысуымен онлайн режимде өтті.
Тыңдауда ТМРК-ы Төрағасының орынбасары Ақан Ташпанов төрағалық етті, онда тыңдаудағы қатысушыларды қарсы алып, барлығын жария тыңдауды өткізу тәртібімен таныстырды, сондай-ақ газды бөлшек саудада өткізу бойынша көрсетілетін қызметіне баға сараптамасын өткізу мәселесіне өз ұсыныстары мен ескертулерін белсенді түрде айту қажеттігін атап өтті.
«Аталған жария тыңдауды ТМРК-ы «ҚазТрансГаз Аймақ» АҚ-ның тұтынушылары алдында ашықтық пен жариялылықты қамтамасыз ету мақсатында өткізіп отыр. Тауарлық газды бөлшек саудада өткізу қызметтерінің бағасына сараптама жүргізу мәселесі өте маңызды және оны жан-жақты қарау керек», - деп атап өтті Төраға орынбасары.
Бұдан әрі баға сараптамасы бойынша келіп түскен ақпаратпен ТМРК Мұнай және газ тасымалдау саласындағы реттеу басқармасының басшысы Қазыбек Ратбеков сөз сөйледі.
Комитет аталған тыңдауды баға белгілеудің жариялылығы мен ашықтығы мақсатында өткізіп отырғанын атап өткен жөн.
Содан кейін, жария тыңдаудағы қатысушылар тарапынан өздерін қызықтыратын және толғандыратын сұрақтар қойылды.
Қорытындылай келе, Ақан Ташпанов барлығына қатысқаны және ұсыныстарды белсенді білдіргені үшін алғыс білдіре отырып, баға сараптамасын қорытындылары бойынша түпкілікті шешім Қоғамдық маңызы бар нарықтарда баға белгілеу қағидаларымен белгіленген мерзімде қабылданатынын атап өтті.
Айта кету керек, Комитет әрдайым жария тыңдаудағы қатысушылардың пікірлерін ескереді және түпкілікті шешім қабылдаған кезде, тұтынушылар мен субъект арасындағы мүдделер тепе-теңдігін сақтауға тырысады.
- 25.10.2021
- 305
